గిరిధర్ గోపాల్ రాజు అని, ఇంజనీరింగ్ చదివే రోజుల్లో నాఫ్రెండ్. నిజానికి తను నాకు సీనియర్ అయినప్పటికీ, కూసింత కళా పోషణ మమ్మల్ని ఫ్రెండ్స్ ని చేసింది. కొన్ని స్కిట్స్ వగైరా నేను వ్రాసినవాటిని తను డైరెక్ట్ చేసాడు ఆ రోజుల్లో. సరే, ఈ "మరపు రావు కాలేజీ రోజులు" మాటలని కాస్త పక్కనపెట్టి విషయానికి వస్తే, గిరి కి మొదట నుంచీ కొంచెం కళాత్మకత,అంతకు మించి లైఫ్ లో ఏదైనా డిఫరెంట్ గా చేయలి అన్న తపన, ఈ రెండింటికి మించి చిరంజీవి మీద అభిమానం. సో, ఈ మూడు భిన్న ప్రవాహాలు వచ్చి ఒక త్రివేణీ సంగమం వద్ద కలిసి 'కెరటం' లా ఎగసి పడ్డాయనుకుంటా.
ఎవరి లైఫ్ లో వాళ్ళు,ఎవరి మెట్రో లో వాళ్ళు పడిపొవడం వల్ల గిరి ఈ పుస్తకం వ్రాయడానికి, దాన్ని పబ్లిష్ చేయించడానికి, రెండింటి కి మించి చిరంజీవి చేతుల మీదుగా నే ఈ పుస్తకం రిలీజ్ చేయించడానికి ఎన్ని తిప్పలు పడ్డాడో,ఎంత స్ట్రగుల్ అయ్యాడో నాకు తెలీదు కానీ -వూహించుకోగలను.
బేసిక్ గా ఈ పుస్తకం చిరంజీవి రాజకీయ ప్రవేశాన్ని స్వాగతించే యువత భావాలని ప్రతిబింబించే పుస్తకం . ఈ పుస్తకం నేనింకా చదవలేదు.మీరు ఎవరయినా చదివి వుంటే, మీ అభిప్రాయాన్ని పంచుకుంటే సంతోషిస్తాను.
